Ahagana saa Moya z’igitondo kuri uyu wa Kane imodoka yo mu bwoko bwa coaster ifite plaque RAB478Q yakoze impanuka ikomeye ubwo yari ijyanye abana ku ishuri rya Heritage School riherereye Karembure.
Iyi mpanuka yabereye mu Karere ka Nyarugenge mu Murenge wa Mageragere yatewe no gucika kwa feri ubwo yaririmo gukata ikorosi igonga igipangu cy’umuturage irangirika kuburyo bukomeye.
Ntawe iyi mpanuka yahitanye usibye umushoferi wahise avunika amaguru yombi, n’abandi bantu bakuru babiri bari muri iyi modoka bakomeretse, naho abana n’umuherekeza wabo ntakibazo bagize kuko bakomeje bakajya ku ishuri.
Polisi y’u Rwanda ishami ryo mu muhanda yageze ahabereye impanuka.
Abakomeretse bajyanywe kwitabwaho mu Bitaro bikuru bya Nyarugenge
Share
